جينه لأرض النجف

السلام عليكم ورحمة الله وبركاته


جينه لأرض النجف للشاعر الاديب جابر الكاظمي وقدمها صاحب الصوت الحسيني الرادود باسم الكربلائي

-
-
-
-
-

يا علي يا علي يا علي **** يا علي يا علي يا علي


للشمس يا أهل النجف إنتوا الحزنها أصل
أخوتي وبيكم على جيوش النوايب أصــل
والله ما أصدگ بهالسرعه يمكم أصــــــل
جيت الكم بلهفتي وهالجيه واجب علـــــي
الكم مجد فوگ ذروات المعالي علـــــــــي
يجمعنا حب الوصي ليث الشدايد علـــــــي
إحنه الفرع من علي وهو الفرعنه أصــــل

يا علي يا علي يا علي **** يا علي يا علي يا علي

جينه لارض النجف وادخلناها
بقعة من جنة عدن شفنــاهـــــا

يا علي يا علي يا علي **** يا علي يا علي يا علي

هذه أرض النجف مركز للعلــم
ما تجد بيها سوى الحر والشهم
لغز جاعلها الإله وطلســـــــــم
وبيها أسرار العرش أخفاهـــــا

يا علي يا علي يا علي **** يا علي يا علي يا علي

النجف گاعي وموطن أحبابي وهلي
اشلون بقعه وبيها كل هم ينجلــــــي
فخر يكفيها احتوت مرقد علـــــــــي
اعني ليث الكون وارث طــــــــــــه

يا علي يا علي يا علي **** يا علي يا علي يا علي

فارگتها واطلعت عنها غصب
واتركت فيها مهجتي والگلـب
رغم أعوام العشتها بالغـــرب
لحظة ما چان الفكر ينســــاها

يا علي يا علي يا علي **** يا علي يا علي يا علي

من بعد غيبه طويله اليوم إجـيـــــت
مو على أجدامي على عيوني مشيت
ارسمت آمالي ويا كل خطوه خطيت
فرصه من سنين چنت أتناهـــــــــــا

يا علي يا علي يا علي **** يا علي يا علي يا علي

ادخلت مرقد علي بدلالي الكســــير
وبمدامع شوگي أحچي ويا الضمير
صدگ آنا واگف بصحن الأمــــــير
شلون وگفه الملك يتمناهـــــــــــــــا

يا علي يا علي يا علي **** يا علي يا علي يا علي

چنت من دار الغرب أعتب وأگول
شلون تگبلها يا بن عم الرســــــول
شلون الفرگه عالعاشگ تطـــــــول
والجسم دمعه الحزن أجراهــــــــا

يا علي يا علي يا علي **** يا علي يا علي يا علي

يا الگلت يا يوم أشوف اعتابك
يا علي مشتاگ أشم ترابـــــك
بالفرح جيت وگفت ببابــــــك
حققت كل ما چنت أرجاهــــــا

يا علي يا علي يا علي **** يا علي يا علي يا علي


جينه لأرض النجف - الرادود الحسيني باسم الكربلائي



تحياتي لكم

ديته

شكرا جزيلا خيتوووووووووو العزيزة على الكلمات الرائعة للشاعر المبدع جابر الكاظمي

وشكرا جزيلا لك لنقلك الموضوع الرائع

تقبل مروري

ارق التحايا

كرار البيجي
*
العراقي الذهبي

**


شكرا لكم على مروكم الجميل


وعلى فكره اخي العراقي الموضوع مامنقول واذا كان منقول سااكتب منقول



تحياتي لكما

اختكم

ديته